Home Ferizaj FERIZAJ/ Pranoi se lajmëroi rrejshëm një rast të lëndimit, shoqërohet në polici i dyshuari 

FERIZAJ/ Pranoi se lajmëroi rrejshëm një rast të lëndimit, shoqërohet në polici i dyshuari 

by 05
0 comment

Më 18.06.2022 në ora 10:25, personi me inicialet M.SH ( M/K) i moshës 36 vjeçar kishte raportuar në stacionin policor në Shtime një rast të lëndimit trupor, duke thënë se lëndime trupore në këmbë i kishte shkaktuar një automjet VW Golf II, në rrugën “Tahir Sinani” në Shtime dhe për këtë kishte ofruar edhe raport mjekësor.

Në njoftimin e Policisë së Kosovës thuhet se hetuesit policor nga stacioni në Shtime, nën autorizim të Prokurorit të Prokurorisë Themelore në Ferizaj, i kishin marr të gjitha veprimet e nevojshme dhe kishin nisur hetimin.

“Pas një pune hetimore për disa ditë, grumbullimit të informacioneve në terren, hetuesit policor kanë arritur që të sigurojnë prova të mjaftueshme materiale dhe deklarative se i dyshuari M.SH, kishte lajmëruar rrejshëm rastin lëndim trupor dhe më datën 13.07.2022 , i njëjti është shoqëruar në stacionin policor në Shtime”, thuhet në njoftim.

Pas intervistimit nga hetuesit policor, ai në tërësi e ka pranuar veprën dhe me vendim të Prokurorit të rastit, ndaj tij është iniciuar kallëzim penal, nën dyshimin se ka kryer vepër penale “Lajmërimi, apo kallëzimi i rrejshëm” me procedurë të rregullt, ndërsa i dyshuari është liruar. /Telegrafi/


Listoni edhe ju te BIZNESET E FERIZAJT

You may also like

Leave a Comment

Rreth nesh!

Zeropese.com është medium në pronësi të Media 05 BI.
Është themeluar me 2 qershor 2014.
Media zeropese.com është medium i pavarur me qëllim të informimit të ngjarjeve të nivelit lokal dhe rajonal, nxitjes së iniciativave për veprim!
[class^="wpforms-"]
[class^="wpforms-"]